تحيه للدكتور عميد الكليه ..... بس الله يعينك على الي حولك .... .... فيه عندك ملعب بيصير فيه احسن حفل ... خليكم بكليتكم وانسوا قصص كاظم والريماوي .... والي بجرب المجرب عقله مخرب

يقول الطلبه في رسالتهم ..." من المعروف ان كل حفلات التخرج الصباحية تكون في قاعات مكيفة مغلقة تتوائم وأعداد الطلبة الخريجين والأجواء الصيفية الحارة، و من المعروف ان حفل التخرج يحتوي على كلمة الطلبة الخريجين و تكريم المتفوقين .... ولكن حفل هذه الكلية يخلو من التكريم و من كلمة الطلبة و يخلو أيضاً من دعوة المجتمع المحلي و الذي يعلن دائماً أن الجامعه أوجدت لخدمته!!! "
وين عموه شايفين هيك حفل ؟؟؟؟ بالافلام ..... للعلم جامعات العالم الغت حفلات التخريج لمرحلة البكالوريوس .... الله يعينك يا د صبيحات

انا اقترح على الاستاذ الرئيس نقل حفل التخريج الى جبال السلط الشماء في مركز الجامعه

الدكتور عميد الكلية ,,,
اكاديمي رائع ومدرك لكل مشاكل الطلبة ولكنه ورث مرحله مليئه بالازمات وهو يعمل جاهدا لاجل الكلية ,,,, الله يبارك جهودك د . جمال.

اذا كانت على حفلة التخرج بسيطة
يا ريت الدكتور جمال يقرأ الي بنكتبه هون
صارلي 4 س بالجامعة نفسي افوت على مختبر والاقي شغال ونفسي اشوف موقع تسجيل بدل انو هاي الجامعة بتخرج مهندسين يا ناس المختبرات الطلاب الي واقفين اكثر من الي قاعدين وغير هيك بتلاقي الواحد سنة رابعة ولا خامسة ومو قار ينزل مادة تخصص لازم يوخذها ولا واحد عنده مادة ساعتين بنزلوله اياها مع الطلاب الي بوخدوها 3 ساعات والحجة انو ما في دكتور ولا الحمامات اروع منهيك ما في ولا الكراسي
يا رب انك تفرجها عالطلاب المساكين والله يا رب انو احنا مظلومين

يعني احنا النا 5 سنين بننتظر بهاللحظة مشان نتخرج تحت الشمس بعز الحر والله حراااااااااااااااااااام
يا عمي خليها بالزرقا بس تكون المسا على البراد
مش ال10 الصبح والله ما شفنا اشي منيح من هالجامعة خلينا نشوف اشي لما نتخرج

مع ازدياد الحديث عن ادبيات العصر واخلاق العصر وما يخص حقوق وكرامة الانسان فهل يعقل لنا ان يتخرج الطلبة في الشمس الحارقة في شهر 7 ، تفاديا لضربات الشمس ،لو اصبح على الساعة السادسة مساء يكون افضل

شو رأيكو ما نوصل حفل التخريج نهائيا الا اذا رئيس الجامعة فهم موقفنا و غبر الموعد والمكان

يعني يا جماعة الاعتراض مو عل المكان لأنه وين ما رحنا بتضلها شوب وشمس .... بس اعتراضنا عل الوئت , بهيك وئت صعب الخريجين اللي بالمحافظات البعيدة انهم يكونوا متواجدين وكمان صعب عل الاهالي انهم يكونوا من الساعة 8 ئاعدين ويتركوا كل اشغالهم ... فيا ريت انهم يأخرو الوئت ونكون متلنا متل كل الكليات اللي تابعة للبلقاء ... يعني ما بكفي مشاريعنا التخرج عملوها متل العزا وما حضروا الاهالي ولا فرحوا فينا ... وكمان التخريج بدهم ينكدوا علينا ...

مقاطعه جماعيه للتخريج هو الحل الامثل لهيك قرارات طلعت من تحت الكوندشنات بس لو يجي يحضر الحفل خلينا نشوف كيف رح يكون وضعه إلي اخذ هيك قرار طبعا

يعني بيتخذو قرارات ما انزل الله بها من سلطان
النا سنين بنستنى بهذي اللحظه
الله قالها عشانا طلاب فقراء ودرسنا بهيك جامعه يبهدلونا ومايخلونا نفرح زي البشر
ليه يعني الساعه 10 الصبح ؟؟وبشهر سبعه بعز الشمس والله هذا الحكي مابيرضي ربنا
طيب اذا بدكم دفعونا مصاري وستأجرو قاعه يعني خربانه خربانه
بس اذا بترضوها لخوتكم من بنات الشمال يتمرمطن بشمس فا الله الغني عن تخريجكم ورجعولنا حق الروب 20 دينار الي مابكلف 3 دنانير

السلام عليكم
بداية بحيي العميد صبيحات ..لانو فعلا دكتور صبيحات قام باعمال عمداء اخريب 4 سنين ما عملوها...اصلا ما عملوا اشي لهالجامعة

ولكن هاد القرار المجحف بحقنا كطلاب عانينا الامريب من هاي الجامعة ..افقدنا فرحتنا بالتخرج
وبصراحة اكثر القرار لا يراعي مساكن الطلاب...يعني انا بدي 3 ساعات من بيتي للجامعة ولازم اكون عال8 موجدة....مش عارف متى اطلع ....بعد صلاة الفجر مثلا؟؟

وبعدين مافي مراعاة لصحة اهالينا في ستاد في عز الشمس وباخر الزرقا كمان
مافي مراعاة انو في اهالي م بتستحمل الشوب ومريضة فكيف راح تستحمل الشمس؟؟

وين المنطق يا بولتكنيك

ازا الكل بوافئ يعمل هيك يا ريت ... خليه يخرج الدكاترة والموظفين احسنله ... [quote name="مدحت الفار"]شو رأيكو ما نوصل حفل التخريج نهائيا الا اذا رئيس الجامعة فهم موقفنا و غبر الموعد والمكان[/quote]

مني و علي ما بدي حفل و شهادة الكرتون مبروكة عليهم و لا بدي صورتي تنزل بكتاب التخريج و يخلف

للاخ المتابع شكلك لا متابع ولا شي احضر حفل تخريج الجامعات الخاصه بصير في صلات مغلقه ومكيفه حتى بعض الجامعات الحكوميه بتكون في صلات مغلقه

بعدين انا بعد 5 سنين بدي اجي الساعه 7 اكون في الجامعه اي خافو الله ياعالم

احسن شي الواحد يضله نايم ويجعل لحدا حضر حفل التخرج ولا تحكو الله يعينك دكتور جمال
في قرارت كانت ظالمه بحقنا ومن ضمنها هادا القرار وقرار المواد البديله وقرار مشروع التخرج المغلق

فعلا بوليتكنك وبتخرج مهندسين!!!

أنا بقترح ينصبوا خيمة في الصحرا...ويكون التخريج ...
ماهو اللي حط القرار يا بيستعبط أو بيستعبط...(ما شاء الله دكتور )...
لو كل واحد فينا كمسؤول لما يتخذ قرار بيحط حالوا مكان الناس لكان اشي ثان..

يا ريت التخرج يبقى في استاد الامير محمد في الزرقاء نحن اهالي الشمال والمفرق وغيرها من المناطق لا نستطيع التواجد ع 10 الصبح في عمان بينما في الزرقاء يبقى الامر افضل المشكلة الحقيقية في الزمان (في الموعد )وليس في المكان يوجد الكثير ممن يتناسب معهم التخرج في الزرقاء نحن نريد المكان لكن يا ريت يتعدل "الوقت" من الساعة 10 الصبح الى 6المساء وشكرا

[quote name="خريجة"]ازا الكل بوافئ يعمل هيك يا ريت ... خليه يخرج الدكاترة والموظفين احسنله ... [quote name="مدحت الفار"]شو رأيكو ما نوصل حفل التخريج نهائيا الا اذا رئيس الجامعة فهم موقفنا و غبر الموعد والمكان[/quote][/quote]

في نية للمقاطعة...اذا ما تغير الموعد

والله متنا بالتخريج انشوينا صار اسمنا الفراريج المشوية مش الخريجين قال مهندسين قال اي لو تخرجنا عمال طوبار ما خرجونا بالطريقة هاي لسه البروفة كانت الساعة 10 الصبح و ضلت للساعة 4 العصر و الله في طلاب مرضو من البروفة و ما اجو تاني يوم

ياجماعة الخير شوي شوي لسا ما اتعشينا هاي وانا حاط ببالي ادرس دبلوم هندسة عندكو لا ياعمي مالها بكالوريس الي معي وربي مية مية بعدين هي وقفت على التخرج اي بينكو وبين حالكو الي بتخرج مين بيقدر يقيم حالو انو بيقدر يعمل ويحط ويقيم وربي الحل الاحسن انو الواحد يفش غلو باختراق موقع يهودي احسلو ماهينا قاعدين مافي ورانا اشي ...لكل مسلم رب يحميه.... ولكل عدو ريان يشتغل فيه#.

ليش احنا مو زي كل الجامعات نتخرج بمكان مناسب وقت مناسب احنا طلاب هندسة و5سنين واحنا ندرس يعني ما بنستاهل نتخرج تخرج حلوه ؟؟؟؟؟؟؟؟؟؟؟؟