أضف إلى المفضلة
الجمعة , 29 آذار/مارس 2024
شريط الاخبار
ضبط 69 متسولاً بإربد منذ بداية رمضان الخارجية تعزي بضحايا حادث حافلة ركاب في جنوب أفريقيا طلبة أردنيون يقاطعون مسابقة عالمية رفضا للتطبيع الأردن يرحب بقرار العدل الدولية الرامي لاتخاذ تدابير جديدة بحق إسرائيل البنك الدولي يجري تقييمًا لشبكة خطوط تغذية الحافلات سريعة التردد في الأردن العدل الدولية: تدابير تأمر إسرائيل بضمان دخول المساعدات لغزة إلزام بلدية الرصيفة بدفع اكثر من 15 مليون دينار لأحد المستثمرين 120 ألفا أدوا صلاتي العشاء والتراويح بالأقصى مصطفى يشكل الحكومة الفلسطينية الجديدة ويحتفظ بحقيبة الخارجية - اسماء الانتهاء من أعمال توسعة وإعادة تأهيل طريق "وادي تُقبل" في إربد الحنيفات: ضرورة إستيراد الانسال المحسنة من مواشي جنوب إفريقيا الاتحاد الأوروبي يتصدر قائمة الشركاء التجاريين للأردن تحويلات مرورية لتركيب جسر مشاة على طريق المطار قرض بـ 19 مليون دولار لبناء محطة معالجة صرف صحي في غرب إربد غرف الصناعة تطالب باشتراط اسقاط الحق الشخصي للعفو عن مصدري الشيكات
بحث
الجمعة , 29 آذار/مارس 2024


مجدداً..النسور: سنفلس إذا لم نرفع أسعار الكهرباء

15-01-2013 12:18 PM
كل الاردن -

اكد رئيس الوزراء عبد الله النسور في لقائه عددا من مدراء الإذاعات المحلية مساء أمس عزم الحكومة على ' رفع أسعار الكهرباء' عقب الانتخابات النيابية القادمة، مبررا ذلك بـأن ' الدولة ستفلس اقتصاديا في حال عدم رفع اسعار الكهرباء'.


وكان رئيس الوزراء حذر – قبيل رفع الدعم عن المحروقات- وبعض السلع- ان الدينار الاردني معرض للانهيار في حال عدم رفع الدعم، مطلقا اكثر من مره تحذيرات بإنهيار الاقتصاد الاردني في حال لم تقم الحكومة برفع الأسعار.

وعلمت 'البوصلة' ان رئيس الوزراء طلب من الاعلاميين في اللقاء التحفظ على هذه التصريحات و عدم نشرها في الوقت الحالي، واكد على ان الحكومة مازالت تدعم اسطوانة الغاز بمبلغ 2 دينار، ليعود ويشدد على ان ' لا عودة عن قرار رفع أسعار الكهرباء ابدا'.

وانتقد الرئيس المعارضة واصفا اياها ' بالأقل عددا' و مطالبها بـ ' غير منطقية' و خص الحركة الاسلامية في الحديث قائلا :' نفسهم الذين يطالبون بتقليص صلاحيات الملك يقوم جلالته بحل مجلس النواب'.

وأضاف بأن المقاطعين يطالبون بتعديلات دستورية حول صلاحيات الملك؛ وهو 'أمر غير منطقي لكون الحكمة تؤكد ضرورة الإبقاء على هذه الصلاحيات'.

وقال ان 'من الحكمة بقاء النظام الهاشمي كون البديل الاخر الثورة وهي الذهاب للمجهول و الغاء كل مقدراتنا والبدء من الصفر'. على حد تعبيره

وحول الفعالية التي من المقرر تنفذيها في 18 من الشهر المقبل واستمرار المسيرات وآلية تعامل الحكومة معها؛ أكد النسور أن خروج 7000 مظاهرة خلال عامين دون وقوع أي حالة وفاة أو اعتقال هو أمر يسجل للحكومة وأجهزتها.

وهاجم احد الحضور خلال اللقاء الحراك الشعبي والشبابي متهما الرئيس النسور بـ ' المساس بهيبة الدولة' عندما استقبلهم فور خروجهم من السجن، الا ان النسور رد بالقول ان ' هؤلاء أبناؤنا وانا قمت بمتابعتهم بعد استقبالي لهم حيث ان جميعهم تغيروا الا 3 منهم'.

التعليقات

1) تعليق بواسطة :
15-01-2013 12:29 PM

الله يجيب الخير ارفع وماعليك شعب شبعان مو عارفين وين نروح بلمصاري

2) تعليق بواسطة :
15-01-2013 12:32 PM

الله ياريتك تشبع رفعزاي ولله قرفتنا

3) تعليق بواسطة :
15-01-2013 12:34 PM

يا رجل حل عن سمانا هلكتنا بكثره الحكي

4) تعليق بواسطة :
15-01-2013 12:39 PM

عاش بيان العسكر ولكن تعليق رقم واحد ليس لي وشكرا للمحرر

5) تعليق بواسطة :
15-01-2013 12:49 PM

يا عمي والله الزلمه بعمل لمصلحة البلد

اكيد راح نفلس ارفع ارفع ماع ماع

6) تعليق بواسطة :
15-01-2013 12:55 PM

خاف الله ينسور هو انتا تدفع كهربا قرفتنا حياتنا

7) تعليق بواسطة :
15-01-2013 12:56 PM

يعني ليش مخبين اسموا للي هاجم رئيس الوزراء ؟ خلينا نعرف الناس يا جماعة.

8) تعليق بواسطة :
15-01-2013 12:57 PM

سنفلس إذا لم نرفع أسعار الكهرباء ....
بل يجب ان تقول ان تقول سيفلس المواطن اذا رفعنا الكهرباء؟؟ انت رئيس وزراء واجبك الحفاظ على المواطن والتأكد من انه يعيش حياة كريمة هذا ادنى حقوقه..

9) تعليق بواسطة :
15-01-2013 01:03 PM

مضر زهران توقع انهيار الاردن اقتصاديا هذا الصيف لانه كان يظن ان لا حكومة اردنية قادرة على رفع الاسعار اسعار السلع المدعومة والتي تسبب عجزا كبيرا في الميزانية كل عام لان الاسعار اسعار عالمية خارجة عن سيطرة الحكومة الاردنية مع العلم ان كل الدول الداعمة لنا تريد تنفيذ مشاريع تنمية لا سد العجز في الميزانية . حفظ الله الاردن الغالي

10) تعليق بواسطة :
15-01-2013 01:05 PM

قلو لفرعون وش الي فرعنك قال ما لقيت من يردني!

يا خوفي من الثورة يا نسور بعدين لا اانت ولا المتنعمين رايحين يقفو بوجها بل بالعكس ستهرولون للوقوف بجانب الثائرين!ولك سابقه بهذا كنت من اشد العارضين لكل الوزارات السابقه وعندما اشرو لك بالسبابة هرولت مع انك لاتجيد الركض!!

حمى الله الاردن

11) تعليق بواسطة :
15-01-2013 01:06 PM

والله يا رجل انك قليل الهيب.... سبع..... بهالحكي
اقولك كفى كذبا و خداعا
الدولة ستفلس ولا ..... و افهمها زي ما تفهمها

12) تعليق بواسطة :
15-01-2013 01:16 PM

سنفلس سنفلس سنفلس أي هوي الشعب مش مفلس أي حل عنا يارجل مشان الله ارحموا من في الارض علشان يرحمكم الي في السما أي قديش بدك تعيش ولكم اعملو شغله الي ربنا يشفعلكم ويشفع لكبار البلد ولك اطلع هالبترول الي عندك والغاز والحجر الزيتي الله يوخذكم الى جهنم وبئس المصير ,سوف نفلس نفلس نفلس . التقدم في مجال البترول والشغلات الي بتنقذ البلد كالسلحفاه ومش عارفين متى نبدأ وكيف غباء فادح فينا والله وبقول في النهايه استخراجه بكلف أكثر من شحدته طبعا هذه كذبه كبيره والله ليش الدول كلها الي عندها بترول استخراجه أقل وكيف حسبتوها بفكرو الشعب الاردني غبي لهدرجه . طبعا هاي كذبه لأنه الى حد الان بيدرسو كيف طريقة السرقه المثلى التي لا تخر الماء وبعيدتا عن الفساد .

13) تعليق بواسطة :
15-01-2013 01:17 PM

عقبال ما تتحاكم
لروحوا قاضوا مصر لانها اخلت باتفاقية و راجعوا التكلفة اللي هي المشكلة مش انكو بتبيعوها باقل من الكلفة يا خبييير لا يكون من خيبر انت مش خبيير

14) تعليق بواسطة :
15-01-2013 01:21 PM

شو يعني شكل الكذب بلش حكيتو انو الدينار رح ينزل وماحكينى شي كمان بتحكو اذا مارفعته الكهرباء راح انفلس وبعدين شو كمان شوي بتحكو راح انحط ادينا في 00000هذا الي بدو اياه عبدالله النسور

15) تعليق بواسطة :
15-01-2013 01:24 PM

الله يخليلك يا نسور هالحكمة اللي وصلت هالبلاد والعباد ل هيك حال .. خليك نايم بالكهف وخايف من النور الخارجي

16) تعليق بواسطة :
15-01-2013 01:27 PM

نعم ارفع اسعار الكهرباء ولا يهمك هاد شعب ازا ما نطس على راسو كم هوايه يجب آخرته ما بزبط معه .. شعب سحيج هتيف عنقرجي ولا بأثر فيه شي وكلهم بقولوا مافي مصار وهم كذابين اقل واحد فيهم بقعد يحكي على الموبايل ساعتين متواصلات اقل مكالمه ..كلهم شغل عزايم مناسف ..كلهم شغل شاشات ال سي دي ..كلهم حميلة اي فون ..كلهم بنزلوا اخر موديلات سيارات ..كلهم ولادهم بمدارس خاصه ..كلهم امبحطين قدان قناة الحقيره والعبريه .. كلهم بدهم الامريكان وببوس الط ...مقابل الحصول على فيزا ..كلهم مؤيدين للاخونجيه والقاعده والوهابيين والسفلسيين كلهم صاروا بنفس الخندق مع الصهاينه واصبح العدو مشترك للصهاينه ولهذا الشعب الا وهو سوريا ..
الله لا يقيم عنكم شده غلو عليهم واطحنوهم وبدفعوا لا تردوا عليهم ويلي برفع خشمه منهم ادعسوا عليه .

17) تعليق بواسطة :
15-01-2013 01:30 PM

والله لو بتفع جريك مش الكهربه ما ضليت بهل الحكومه حطوك ممسحة زفر ضحكو عليك وانت الثعلب!!!!!

18) تعليق بواسطة :
15-01-2013 01:41 PM

انا عندي الحل وزعوا هل مواطنين على الدول المجاوره وسكروا الاردن لانه ما ظل فيه اشي

19) تعليق بواسطة :
15-01-2013 01:43 PM

وينك ياانجلينا جولي تشوفي ممسحه الزفر

20) تعليق بواسطة :
15-01-2013 01:49 PM

طيب ما تفلس حدا ماسكك؟
شو اخبار ال٢٢ مليار مديونية ولا هاي مش افلاس
يا معلم انسى واعطيها ربعية

21) تعليق بواسطة :
15-01-2013 01:53 PM

نعم لسرفة الكهرباء او الامتناع عن دفع فواتير الكهرباء

22) تعليق بواسطة :
15-01-2013 01:56 PM

الى 16 والله شكلك بتنفع رئيس وزرا شكل العن منه تعال بحطوك رئيس وزرا

23) تعليق بواسطة :
15-01-2013 02:01 PM

ليش الصياح ولا هي مهنه ما طول عمركم بسحجو واذا ضربوك على روسكو بتقولو يعيش واذا دعسو على شواربكم بتقولو يعيش يعيش واذا رفعو اجريكم بتقولو يعيش يعيش يعيش وان مثلكم بقول يعيشيعيشيعيش كيف موصوله مشان تبين اهيب!!

24) تعليق بواسطة :
15-01-2013 02:12 PM

يا أخي خليها تفلس وخلينا نعيش بالعتمة منشان نبطل نفرق بين بني آدم وبين بني آوى أو بني حسن .. ساعتها بصير كل الشعب من عشيرة النسور عن حق

25) تعليق بواسطة :
15-01-2013 02:14 PM

محملنا جميله انو ما قتل ولا متظاهر خلال الاحتجاجات. ليش هو الشعب ملكك الخاص عشان تقتل وبأي حق تقتل المفروض انو الشعب هو الي يحاكمك ويحاكم كل الفاسدين ويرد المليارات المسروقه ز سرقه واحده معلن عنها واعتقد انها لا تشكل 10 % من سرقات المتهم كفيله بسد فرق سعر الكهرباء الي بدك ترفع سعرها
على كل حال الحق مش عليك الحق علينا احنا الشعب لانه للآن لم نستطع فرز قيادات لقيادة المطالبه بكل ما يريده الشعب

26) تعليق بواسطة :
15-01-2013 02:15 PM

هذا الزلمة وظيفته (يا تطخو يا تكسر مخه)

27) تعليق بواسطة :
15-01-2013 02:15 PM

امسكوا السراقين بتنتهي المشكلة ، مثلا في الحي الشرقي في مادبا الذين يسرقون الكهرباء ضعفي الذين يدفعون ثمنها

28) تعليق بواسطة :
15-01-2013 02:18 PM

طلب من الاعلاميين في اللقاء التحفظ على هذه التصريحات و عدم نشرها في الوقت الحالي (انشتاين)

29) تعليق بواسطة :
15-01-2013 02:32 PM

ستفلس الدولة أذا لم نرفع الدعم عن المحروقات......
ستفلس الدولة أذا لم نرفع الدعم عن الكهرباء...
ستفلس الدوله أذا لم نرفع الدعم عن الماء....
ستفلس الدوله أذا لم نرفع العم عن التعليم...والصحة....والزراعة... وحتى الصرف الصحي..... وعلى رأي موسى حجازين.....باعووووووووووووههههااا
لن يبقى أردني شريف في وطنه لان الحكومة ستحول الشعب الاردني الى شحادين في وطنهماو لاجئيين في الدل المجاورة يبحثون عن لقمة العيش.

30) تعليق بواسطة :
15-01-2013 02:33 PM

نعتذر

31) تعليق بواسطة :
15-01-2013 02:50 PM

ما وجه الشبه بين سنفلس والسفلس الاثنين مصدرهم واحد الحكومه الاردنية بقيادة الحكيم عبدالله النسور

32) تعليق بواسطة :
15-01-2013 02:52 PM

ما وجه الخلاف بين السفلس وسنفلس ،السفلس يا اخوان له علاج من جيبة وجوه الخير ،بس سنفلس ما الها علاج الا جيبة المواطن الاردني

33) تعليق بواسطة :
15-01-2013 02:53 PM

اصبحت الامور واضحه اما الاستقرار والامن او الاستبدادوالفساد.....

34) تعليق بواسطة :
15-01-2013 02:54 PM

have no intrest in jordan people you are disabled PM

35) تعليق بواسطة :
15-01-2013 03:04 PM

يا اخوان لا حدا يغلظ انا من جماعه السيجه وهيك واجبي وشغلي وعاش بيان العسكر

36) تعليق بواسطة :
15-01-2013 03:08 PM

بدكم القضاء على الفساد ممتاز .. معناته بتقضوا على نفسكم وعملية انتحار جماعي بتنفذوا .. الفساد والسرقه والنهب مهو منكم وفيكم وبجيناتكم .. المسؤول الحرامي واللص ويلي بخوزقكم من وين ؟؟؟؟...مهو منكم وفيكم ومن اهلكم وقرايبكم ووجهائكم ومشايخكم ...مش مستوردين من زيمابوي ...طول عمرهم المسؤولين في الاردن صناعه وطنيه ميه بالميه ..ومافي عائله او عشيره او محافظه او باديه او قريه ما طلع منها مسؤول ان كان موظف كبير او وزير او رئيس وزراء او قائد عسكري او امني او عطوفه او باشا او معالي او سعاده او بيك ..ومعروف ابن البلد بس يصير مسؤول بنفس اليوم بصير لعين والدين لا بحلل ولا بحرم وبنزل جرم عن جنب وطرف مكتسبات ومال وجاه ونفوذ ومحسوبيات وواسطات وببطل ابن حراث بصير هو هيك الله خلقه ابا عن جد ما كان حافي ومعوش يحلق !!!!!!! .
البلد انتوا يلي بديروها مش موظفين ولاحكومه من اوغندا او الصومال عيالكم يلي مستلمين كل مناصب البلد الحكوميه والعسكريه والامنيه وكل قضايه الفساد منكم ولكم ...
من وين بدكم الملك يجيبلكم مسؤولين ما ظل الا انه يعمل عطاء دولي يستورد فيه مسؤولين وحكومات والشرط ما يكونوا لصوص ... اي مسؤول بتم الكلام عنه انه حرامي ولص كل عشيرته واهله ومحافظته بتقوم كيف بتحكوا عنه حرامي وهو مليونير ابا عن جد وهم بعرفوا لعينين الوالدين انه حرامي وطول عمره هو وابوه وجده وجد جده حفاة وعراة ومعهم يحلقوا ..بس كيف تيجي بعشيرتنا وبزلمتنا ما بصير عيب !!!!!! .
المشكله والسوسه والمرض فيكم انتوا الجينات مضروبه ومعطوبه .. اصلحوا انفسكم بعدين اطلبوا بالاصلاح ..سنحكم .

37) تعليق بواسطة :
15-01-2013 03:19 PM

ايش يا نسور شويه شويه !! هو البريك فالت معك؟؟ فرمان ورا فرمان!!

يا خوفي انه الدينار يهوي الى الحضيض

من كثر تركيزك عليه!!!حتى لو رفعت مش بس الكهرباءوالماء بل كمان الهواء !!! يا رجل دوختنا كأنه ما الك شغله غير هالشعب تشتغل فيه؟؟؟

38) تعليق بواسطة :
15-01-2013 03:41 PM

نتكلم بالمنطق قالوا المشكلة في الكهرباء الغاز المصري طيب ما الغاز شغال تمام التمام وين المشكلة يا جماعة ؟

39) تعليق بواسطة :
15-01-2013 04:05 PM

دولة الرئيس تخفيض العجز لايكون من جيب هذا المواطن المفلس اصلا ، بل يكون برأي بخطوات :
1- فرض ضريبة اقامه تصل ما بين 2000 الى 5000 الاف دينار على كل غير اردني
2- فرض ضريبه على كل من يحمل جواز سفر اردني مؤقت ما بين الفين وخمسة الاف دينار سنويا، واجبار من يقيم منهم خارج الاردن ان يأتي ويقيم في الاردن مدة اجازته السنويه وهي شهر ، كون الكثير من حملة الجواز المؤقت لا يأتون الى الاردن اصلا .
3- الغاء مجانية المقاعد الجامعيه لكل من ابناء القوات المسلحه والتربيه وما يسمى مناطق محرومه ، وان تعدل اسعار الساعات بما يتناسب ودخل المواطنين .
4- الغاء استعمال سيارات الحكومه والجيش والامن العام لغايات الاستعمال الشخصي ، وان يتم بيات جميع السيارات في كراجات الوزارات ااو الوحدات العسكريه .
5- الغاء رواتب التقاعد للنواب والاعيان والغاء بدلات السفر لهم ، لأ، الخدمه تطوعيه وليست وظيفيه .
6- وقف الصرف الغير محدود على عمان الغربيه وان يكون الصرف عليها اسوة بغيرها من المناطق في المملكه .
7- وقف استراد الخادمات الا في حالات الضرورة القصوى ولكبار السن لتوفير النقد في ابللد .
8- وضع ضريبه تصل الى 15% على كل غير اردني يريد التملك في ابلد بمن فيهم الجوازات المؤقته .
9- ان يقتصر بدل تحسين الوضع للوزراء للتعين للمرة الاولى فقط .
10- ان يقدم كل وزير وموظف يان وصعه المالي عند التعيين ، لكي يتم مسائلته عن انتهاء خدماته .
11- ان يمنح النواب والاعيان نصف الراتب الحالي كونهم خدميون اي متطوعين .
12- ان يفرض ضريبة عاليه لغير العرب الداخلين الى الاردن وخاصة الاقامه ، ورفع رسوم اصدار تأشيرات زياره للأوربيين والاميركين معامله بالمثل .
13- المحاسبه العلنيه لكل من يسرق المال العام .
14- وقف البطاله المقنعه المتوفره حاليا في الدوائر الحكوميه
15- ان يكون سفر الوزراء والنواب والاعيان وموظفي الدوله والجيش والامن على الدرجة السياحيه في الطائرات

40) تعليق بواسطة :
15-01-2013 04:16 PM

نعتذر

41) تعليق بواسطة :
15-01-2013 04:22 PM

الغاء مجانية المقاعد الجامعيه لكل من ابناء المخيمات المعروفة باسم كوتا المخيمات .

42) تعليق بواسطة :
15-01-2013 04:52 PM

((ألا لعنة الله على الظالمين ))

43) تعليق بواسطة :
15-01-2013 04:55 PM

التعليم بفلوس الصحة بفلوس ما فيه اشيء الدولة بتدعمه ليش الضرائب وين بتروحوا فيها

44) تعليق بواسطة :
15-01-2013 04:59 PM

من يوم ما شفنا و...زارتك هل كل الخير عالبلد. يعطيك الف الف الف عافيه.
عليك اكتشافات و تحاليل بتجنن .. الله يحميك و يخليك !!!!! للبلد .

45) تعليق بواسطة :
15-01-2013 07:29 PM

الى 39 نسيت اطفاء قصور دابوق وما اكثرها

46) تعليق بواسطة :
15-01-2013 07:36 PM

كل يوم بتسمعنا هالاسطوانة المشروخة .اكيد نقصت ارصدت الفاسدين .يالله اجت منك لن ندفع فواتير بعد اليوم

47) تعليق بواسطة :
15-01-2013 09:02 PM

خلنا نظل نحبك ولا تزيدها اكثر من هيك حط حجر كبير ووقف لو سمحت الشعب طفران ومو ناقص ومية مليون ما رح تحسن اقتصاد البلد خذهن من الحراميه اذا بتقدر

48) تعليق بواسطة :
15-01-2013 09:26 PM

لماذا نفلس هذه الاسطوانه غير قابله للتصديق .
الغاز المصري كان المشكله وعاد اكثر .
ربع مليون تحت السلاح من جيش وأمن ومخابرات ودفاع مدني وباديه هل نحن بحاجه الى هذا العدد ومن هو عدونا .... وهل عدونا المفترض وهو المواطن الذي يقول بكل سلميه لا للفساد ولا للفاسدين .
هل يحتاج الى هذا الكم من العدد والتجهيزات والتدريب وبناء المعسكرات وازدواجية اللباس .... و وووووو الخ
لو كان الكلام صحيح لتوقفت الطائرات التي تجوب العالم بلا مبررات سوى تصريح اعلامي مكرر منذ اكثر من نصف قرن عن القضيه الفلسطينيه ودون نتيجه .
لو كان الكلام صحيح لتوقف تبذير المال العام على الرشا وشراء الذمم وتحسين اوضاع علية القوم والاكتفاء براتب واحد لعلية القوم بدل عدة رواتب هنا وهناك تحت مسميات مختلفه وتحويل كل هذه الاموال لخدمة التنميه واسناد الموازنه .
وهل استغفال الشعب مستمر والى متى .

49) تعليق بواسطة :
15-01-2013 09:27 PM

يا اخي يعني لاقتراحاتك1,2 غير عمليه بالمره لانه الدول بتعاملنا بالمثل فكم من الاردنيين في الخارج من طلاب وعاملين؟؟ خلينا واقعيين اما في الباقي فهذا معقول.

50) تعليق بواسطة :
15-01-2013 09:45 PM

اقسم بالله انك صادق 100% بس بطلب منك ترد على المعلق رقم الي بدو يفرض على المصري وغيرو من 2000 الى 5000 دينار وبدو الغزاوي الطفران الي مامعو لفمة خبز اولاده يدفع من 2000 الى 5000 دينار هههههه بس هو مابدو يدفع اشي من جيبتوا هههههه الزلمه فهمان بدو افقر فئة بتعيش في الاردن تدفع عنو ههههههههه والله عجايب

51) تعليق بواسطة :
15-01-2013 10:08 PM

نعتذر

52) تعليق بواسطة :
15-01-2013 10:15 PM

صدقت دولتك هي فعلاً راح تفلّس منكم ومن أمثالكم أبناء الذوات وما أكثرهم الذين يستهلكون الكهرباء (بلاش)عدا أما الغلابا دافعو الضرائب فحرام عليهم أن يتدفئوا على صوبة كهرباء بفلوسهم!!

53) تعليق بواسطة :
15-01-2013 11:21 PM

اذا كانت خطة تقشفية فبها ونعمت لكن اجراء هنا واجراء هناك سوف تجر مزيدا من الاشكالات ,الخطة الواضحة تشاركية ,هنا يجب ان تشارك المعارضة الواعية في الحل ,ما العيب اذا ما تم ذلك ,لكن يجب ايضا الا نتحمل نحن فشل شركة الكهرباء او فساد بعضا ممن فيها هل تسلقون الشعب الاردني كله من اجل عيون مستثمر جشع ,فليفلس وما المشكلة يمكن تأميم القطاعات الحيوية انظروا الى اوروبا مثلا عندما اصبحت على ابواب ازمة اقتصادية اعادت ملكية بعض القطاعات او المؤسسات الى الملكية العامة ثم اين هو الاقتصاد الاردني الذي يحتمل الخصخصة اين هي السوق الاردنية التي تحتمل الخصخصة ثم اين هو المجال الحيوي .... نحن حارة عربية ليس لها باب الا لاستقبال المشردين والشحادة عليهم ...يعني نشتغل تربي ,حانوتي ...حفار قبور , يا حكومة نحن في ازمة نحن مأزومون كلنا اولادنا عاطلين عن العمل ...سواح في الشوارع وامورنا مش تمام ...هل يرضيكم هذا هل اذا شكونا لكم تغضبون , هاتوا حل ونحن معكم ونحبكم ,يا حكومة الكهرباء محرك اساسي للتنمية الاقتصادية والاجتماعية وبالتالي السياسية لكن اسأل هل نستفيد من الكهرباء كم عدد المصانع واين هي الورش خاصة في الارياف , لا يوجد جهاز واحد منتج يعمل على الكهرباء سوى عشر ماكنات خياطة , لماذا كانت كهربه سيبيرايا نعمه على الاتحاد السوفياتي وكهربه الريف الاردني نقمه وفشل ؟ اين الخطأ في السياسات ام في الثقافة ام في الحكومات ...يا اهلنا والله نتمنى لكم النجاح ونفتش عن سبب واحد يجعلنا نصفق لاجراء حكومي واحد ..لا يوجد لا نسمع منكم سوى قيود وحدود وضرائب وفضائح ..دخيلكم هل هذا هو الاردن البلد ام نحن سافرنا الى مكان ما في مجاهل هذا العالم !

54) تعليق بواسطة :
16-01-2013 12:13 AM

الحل
فلان يرجع ال 200 مليون
فلان ال 700 مليون
فلان ال 2 مليار
فلان ال 29 مليون
فلان ال مليار و 200 مليون
فلانه ال 7 مليار
فلان ال 400 مليون
فلانه ال25 مليون
فلان ال 60 مليون
فلان بس مليون
فلان ال 9 مليار
وفلان وفلان وفلان الباقي
وهيك منعيش بثبات ونبات ومنخلف صبيان وبنات ويا دار ما دخلك شر

55) تعليق بواسطة :
16-01-2013 03:40 AM

الدكتور النسور عندما قبلنا برفع اسعار المحروقات وعدّت المشكلة لاتنس ان القرار ذهب ضحيتة رجل الامن في ابو نصير والدركي في الجنوب والشاب العمري في الشمال هذه المرة كم سيهلك اذا رفع سعر الكهرباء انا اقدر حرصك على اقتصاد البلد لكن لاتجازف من جديد في تمرير القرارات بالتدريج هذه المرة ستحرق اسمك وانت الذكي فكر بحلول اخرى . دعني اصارحك انت تحمل دكتوراة في التخطيط وفي ادبيات علم التخطيط ان لكل قرار اثار او مردودات impacts . اهم الاثار لارتفاع كلفة الطاقة قلة الانجاب لان ظروف البرد لا تسمح بهدر الكهرباء على تسخين المياه وزيادة الطلب على الاناث السمينات لمقاومة البرد . هذه دعابة سلطية يتداولها اصحاب النكتة وهم كثر . لعلك تبتسم والقراء سيضحكون وسينالني الثواب لاني ادخلت عليهم السرور بادولةالنسور .

56) تعليق بواسطة :
16-01-2013 09:30 AM

في عهد عبدالله نسور . لا دفا . ولا نور .

57) تعليق بواسطة :
16-01-2013 10:08 AM

هاظا طلع ولا حبه يا اخوان ولا فاهم اشي الميه بتمشي من تحته و هو مفكر حاله خبير نسمع خبرك عن قريب انت و كل فاسد و حرامي

58) تعليق بواسطة :
16-01-2013 11:57 AM

هاظا ابو النسور طلع امر من رئساء الوزراء السابقين.يا زلمة تصريحاتك دهورتنا صرنا نعرف باننا دولة تعيش على المساعدات وان العرب طول نهارهم يعيرونا بالشحده واسرقة المسوؤلين
اقنع العالم ان احنا فلوس الشحده ما بتسرق وان 99%من مشاريع وشركات الخصخصه والعطائات وفلوس الموازنه تنهب بطرق توقيعيه وبقرارات عرفيه وان الشعب اصبح عالة عليكم ومصاريف وزرائه ونوابه اكثر من ضرائب المفروضه على الشعب.

اطالب ابو النسور ان يتم طخ الشعب ويخلص من همه.يا زلمه شلحتونا اواعينا الله ريتها البلد مفلسه مش قادرين تفتحوا دولة سكروها وخلصونا وكل واحد يشوفله دولة ينضب فيها.عليم الله الصومال وافغانستان استحت اتصرح تصاريح زي هيك.
اعلنه افلاسكم المالي بعد ان عرف الشعب انكم افلستم سياسيه واداريا
واخلصوا من ديون نادي باريس وصندوق النقد.
الشعب يطالب بالانمام للاتحاد الاوروبي
ضمونا لاسرائيل او السعوديه او مصر او سوريا او العراق واخلصوا.

59) تعليق بواسطة :
16-01-2013 01:08 PM

دولة الرئيس المحترم
احببناك نائبا للشعب وكنا نتأمل ان تشكل الحكومة لانقاض الوطن لكن و للاسف الشديد عندما وصلت للكرسي حرقت كل اوراقك و انقلبت على كل ماكنت تطرحه في النواب و لا ندري ما سبب عداءك للشعب اهذا جزاء محبته لك ؟
يا دولة الريس اصحا لنفسك قبل فوات الاوان و عد لقاعدتك الشعبية المناصب لا تدوم غدا ستكون بدونها اترك ذكرى حسنه لك وابعد عن رفع الاسعار يرحمك الله

60) تعليق بواسطة :
16-01-2013 05:00 PM

الى الاخوه اللذين ردوا على تعليقي والخاص بفرض صريبه على حملة الجواز المؤقت ، ليكن معلوم لديكم ان حملة هذا الجواز دخلهم اكثر من دخلكم عشرات المرات ، وخاصه العاملين منهم خارج الاردن ، وهم يقضون اجازاتهم في جنوب شرق اسيا ، والكثير منهم لم يدخل الاردن منذ سنوات ، منهم من لم يذهب الى قطاع غزه من عشرات السنين ، اما العماله المصريه فكل الاحترام لها منها من يعمل في الاعمال الحره ودخله اضعاف دخلكم ، ما العيب ان يدفع كل شخص ، وايضا الى الاخ الذي طالب بتقنين الكهرباء في مناطق من عمان اثني على رأيك وقد سقط ممني سهوا

تنويه
تتم مراجعة كافة التعليقات ،وتنشر في حال الموافقة عليها فقط. ويحتفظ موقع كل الاردن بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع كل الاردن علما ان التعليقات تعبر عن أصحابها فقط .
الاسم :
البريد الالكتروني :
اظهار البريد الالكتروني
التعليق :
بقي لك 300 حرف
جميع الحقوق محفوظة © كل الاردن, 2012