أضف إلى المفضلة
الجمعة , 12 تموز/يوليو 2024
الجمعة , 12 تموز/يوليو 2024


حوار مع صديقي اللبناني

بقلم : محمد عياش القرعان
11-07-2015 10:11 AM
عندي صديق لبناني من بيروت تعرفت عليه 'عبر الفيس بوك' منذ فترة , استطاع ان يغير طريقة تفكيري وقناعاتي في بعض الامور الى حدا !! ..بصراحه 'قلَب طاقيتي هالزلمه' وبفكر اصير من جماعة الامن والامان بس مش كثير' , ذلك بانه كثيرا اثناء حديثي معه المتواصل كنت الحظ عليه انه يشتكي من انقطاع الكهرباء عنده!! وكنت استغرب منه ذلك واقول له معقول مقطوعة ببيروت يا رجل ؟؟ نحن هنا من النادر ان تنقطع الكهرباء خاصة في المدن الرئيسيه وحتى في الارياف ايضا, ومع ذلك لسنا راضيين عن شركة الكهرباء, ورغم ان عندنا الشركة مكسورة وتعاني من تراكم الديون ومع ذلك من النادر ان تنقطع الكهرباء!!, فكيف لو كانت واقفة على رجليها بشكل صحيح !!...وكان دائما ما يُردّد على مسامعي 'الله يحفظ عليكوا الامن والامان يا محمد والله ما انتوا عارفين قيمتها مزبوط ومش شاكرين هالنعمه كويس'..'يا زلمي والله انتوا بالف نعمة واحسن من غيركو واطّلع حواليكوا وشوف بصير فيهُن 'بكفي ما عندكوا حروب ولا اضطرابات ولا خطف وبتطلع من بيتك وبترجع بأي وقت وانت آمن, وما بتخاف انك ما ترجع او حدا يقتلك او يخطفك'.. حتى انني في احد المرات هدّدته بعمل حظر له ان هو كرّر لي هذه الاسطوانه التي اكرهها جدا من كثرة ما سمعتها هنا !!
..وكان يقول لي ' يا خيّي عنا هاون العيشة خ***** وكل اشي غالي والاسعار نار واكثر بكثير من عندكوا والنت والاتصالات متوفره للجميع وببلاش' ...'وهاون بتشغل وبتحرث لعمك بطرس وكلو حراث جمال يا خيي 'للامانه هاي من عندي هو ما حكاهاش هيك,بس هو قال كلمة بنفس المعنى نسيتها' وما فيه لا خدمات ولا وراتب مثل الناس ولا امن ولا امان !!' تخيل قال امن وامان مثل ما منقول' ولا كهرباء ولا ميّه ولا زفت ولا بطيخ اصفر 'ولا حتى عنا رئيس مثلكوا هههه'....'يا زلمي قول الحمد لله واسكت' والله لو تييجي لهاوْن غير تعوف تيابك اللي لابسهن يا حبيبي'...
قلت يا رجل كنت افكر ان الصومال افضل من الاردن ..واعتبر لبنان جنة الشرق وبقول يا ريت انا ساكن هناك وبفكر اذا لقيت صندوق ذهب اهاجر لعندكو...اي قولوا غيّر يا زلمي, سولف غير هالسولافه ؟؟ قال والله يا رجل متل ما بحكيلك...الكهرباء هاوْن دايما قاطعه وعنا هاون الله وكيلك الف حزب والف طائفه والف زعيم وكل واحد عنده جيش وكل واحد عامل دولة لحاله وشو بدي احكيلك حتى احكيلك !!!

#معقول_ياناس_!!!!

التعليقات

1) تعليق بواسطة :
11-07-2015 02:36 PM

صديقك اللبناني صدقك لبنان سويسرا الشرق اصبح مزبله للاسف لاكهرباء لاماء لانظافة فقر بطالة ظلم عصابات مافيا لا امن ولا امان حالة حال أي بلد تحكم فيه الشيعة لم يحكم الشيعة بلد الا وجعلوة اسفل سافلين رغم كل اخطاء الحريري رفيق الا ان اللبناني يقول رحم الله ايامك يارفيق سنه وشيعة ومسيحيين .

تنويه
تتم مراجعة كافة التعليقات ،وتنشر في حال الموافقة عليها فقط. ويحتفظ موقع كل الاردن بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع كل الاردن علما ان التعليقات تعبر عن أصحابها فقط .
الاسم :
البريد الالكتروني :
اظهار البريد الالكتروني
التعليق :
بقي لك 300 حرف
جميع الحقوق محفوظة © كل الاردن, 2012