الأحد , 23 تموز/يوليو 2017


وكالة هامبورغرز للانباء

بقلم : محمد عياش القرعان
16-07-2017 05:32 PM
لقاء صحفي مقتضب، مع حضرة جنابي، من قبل وكالة #هامبورغرز العالمية للانباء البايتة، حول ما جرى مؤخرا في الاقصى الشريف:

.... الصحفية؛
ما هو رأي حضرتك فيما حصل في الاقصى الشريف من قبل قوات الاحتلال الاسرائيلية ؟!

انا بصراحة قلقان قلقان قلقان والله يعلم قديش انا قلقان، وصدقيني اني مختنق من شدة القلق ومش قادر احكي معك من كثرة القلق الذي ينتابني، وقلقان كثير من القلق اللي آلت اليه الامور في الاقصى الشريف، وركزي معي كثير على كلمة (ما آلت اليه) بس بالله عليكي مهي طالعه من ثمي كلمة (ما آلت اليه) مثل العسل ؟؟؟!!!

واحمّل قوات الاحتلال كامل المسؤولية عن تفاقم الاوضاع في الاراضي المحتلة، ومن انتهاكات صارخة للقانون الدولي، واضع المجتمع الدولي امام مسؤولياته !!

هي؛ اكيد عسل وانتا كلك على بعضك عسل وكل شي بتحكيه عسل !!!

انا؛ اها ياه... شو هالحكي الحلو اللي بتحكيه انتي، الله يسعدك ربي ويخليكي،، والله خجلتيني كثير،،
شو تشربي صحيح، نسينا نضيّفك والله؟؟!...
هي؛ مُصرّ يعني ؟!

انا؛ هههههه اها طبعا مصر، عندِك شَكّ ؟!!
...
هي؛ لا ابدا ههههه ....

طيب اغلّبك قهوة، اذا ولا بد يعني، بس بدون سكر لو سَمَحْت ؟!!

انا؛ اها تكرمي ولو !!
طَبُ في مجال اطلب رقمك، اذا ما فيها ثقالة دم مني، يعني عشان اظل اطلعك على على اخر التفاصيل وهيكا هه؟!!!

هي؛ اها اكيد تكرم استاذ ولو !!

انا ؛ طيب فاضية اليوم ؟!

هي؛ ما بعرف والله استاذ !!!

انا؛ عاد والله حاب اعزمك على فنجان قهوة اذا ما عندك مانع اليوم مساء ؟!!!

هي؛ طيب بشوف شو عندي، وبرنّلك اذا كنت فاضية، بس اغلبك رن علي وافصل مشان اسيّڤ رقمك عندي! !!
اها اوكي ممنونلك ستي !!!
انا سلام.....!!
هي سلام.....!!!
انتهى اللقاء الصحفي معي .

الخبر ثاني يوم ؛

وكالة #هابورغرز العالمية للانباء:
'اعرب السيد محمد عياش عن بالغ قلقه عمّا آلت اليه الامور في الاقصى الشريف، وكما حمّل عياش قوات الاحتلال الاسرائيلي كامل المسؤولية عما يجري من انتهاكات، وناشد المجتمع الدولي للقيام بسؤولياته تجاه ما يجري على ارض الاقصى الشريف من قبل قوات الاحتلال الاسرائيلي' !!


التعليقات

لا يوجد تعليقات
تنويه
تتم مراجعة كافة التعليقات ،وتنشر في حال الموافقة عليها فقط. ويحتفظ موقع كل الاردن بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع كل الاردن علما ان التعليقات تعبر عن أصحابها فقط .
الاسم :
البريد الالكتروني :
اظهار البريد الالكتروني
التعليق :
بقي لك 400 حرف
جميع الحقوق محفوظة © كل الاردن, 2012