بقلم : ابراهيم الداوود
27-09-2012 09:31 AM
بدأت تتهافت الدراجات النارية على مرأى ومسمع و(تسهيلات) من الجهات المعنية , حتى امتلأت المدن والقرى بها .
أبو عامر إنسان درويش , كان يحلم دائماً بشراء سيارة , لكن الترخيص, والبنزين, والتصليح, ....تكاليف لايستطيعها, ...في ظل (التسهيلات) من الجهات المعنية وجد أبو عامر ضالته في شراء دراجة نارية , فجعل تحويشته فيها , شعر بالسعادة , ذهب بها الى المسجد , والى السوق لشراء خضار , فهو يسكن في اطراف البلدة تبعا لقطعة ارض وحيدة ورثها..., اصبح بإمكان ابو عامر الذهاب من عمله الى بيته وأهله وقت الغداء ليشاركهم الطعام ويشعرهم بالسعادة , سابقا كان يخرج وأبناءه نائمين , ويعود وهم نائمين,
الآن أصبح بإمكانهم التعرف على والدهم ولو للحظات...
.ذات يوم ركب أبو عامر دراجته وذهب ليشاهد أبناءه ويتناول معهم الغداء ......فجأة ومن غير سابق انذار أوقفته دورية للشرطة وقامت بمصادرة دراجته ........أجل فقد شكى الناس كثيراً من ازعاج الدراجات وممن يستخدمها من (الزعران) حتى أصبحت ظاهرة مقلقة ومؤذية جداً ...لكن (الدقة) إجت بأبي عامر....مسكين ..كان ذاهباً الى منزله في فترة الاستراحة, وكان اطفاله بانتظاره........اتصل بي وهو يكاد ينفجر ويرقب (الزعران ) وأولاد الذوات وهم يتجولون بدراجاتهم وبسياراتهم الفارهة (وقد نزعوا عنها لوحات قيادة ) ويقومون بمعاكسة الطالبات والمشاكسة في الطرقات وتصدح مسجلاتهم بالموسيقى ..دون ان يداس لهم طرف....
على فكرة بالأردن (دولة الأمن والأمان والعدل والقانون) في أشخاص كثير كنيتهم (أبو عامر)
أبوعامر الأول تخرج من عشر سنين وماعندو وظيفة , وجارو المدعوم تخرج مبارح...وتوظف قبل ثلاث سنوات (طبعاً لحاجة الدولة لكفاءته)
الثاني مابوخذ من التنمية رغم انو محتاج ,...وجاروا صاحب الاراضي والاملاك ..بوخذ من التنمية هو ...وأولادو كمان
الثالث . ماعندو تامين صحي ...يابموت من المرض يابطيب لحالة ...وجارو المليونير...جاب اعفاءات ....بلاوي وتعالج بأحسن المستشفيات!!
الرابع : مات وهو يقري هالولد وجاب بجدارة (90) وماقدر يسجلو ولابتخصص ...وجارهم اللي جاب (50) بدرس طب ...وبعثة كمان لبلد اجنبي..وعلى حساب ..الـ...
مسكين يابو عامر ..هالبلد مش إلك.....أقلك حتى بالانتخابات ...أكيد مابطلعلك صوت ولاحصلت على بطاقة انتخابية ...لكن عند الحكومة ..بتلاقيهم مسجلينك مصوت لفلان .(جارك المليان )...وأكيد يابو عامر شحدوا من العالم على اسمك مساعدات...وراحت ....لأولاد الذوات
على فكرة ....أبو عامر مش زعلان عالدراجة ...بس بقول , ليش لما بدهم يطبقوا القانون بطبقوه ...ولما بدهم يفلتوها...بقلتوها؟؟؟؟
ياخي ونت شو الك بالوطن.....همو ....حريييين