لمّا كانت الصين ما تعرف تسوي فانوس رمضان، ولا حتى تعرف تسوي شب شب، في الخمسينيات، إجا جنرال معتوه إسمه ماكنمارا، كان لسّا طالع طازة من الحرب العالمية الثانية و ضارب اليابان ٢ نووي، و هدد الصين بالنووي لتدخلها بالحرب الكورية، قالُّه رئيس الصين وقتها ماو، روح لِفْهُمْ و حُطْهُم محل ما ربنا قَسَمَكْ!! كُلْنا شُفنا شو صار بالجنود الأمريكيين وقتها، وكيف بَلَعوا ريالتهُمْ، و خوف الله إنَّك يا بانيتا، و الجنرال تَبَعَكْ، كُنتوا بينهم لسّا شباب، و هُم بُهُربوا من قدام الصينيين، و بليلة واحدة الصين بلعت نُصْ كوريا. قال نووي قال!! في حوالي ٣٠ دولة عندها قدرات نووية وبالستية لتوصلهُم لغرفة نوم المدام!! كأنك لسّا فاكر حالك أمريكا هي المحتكرة النووي؟؟!!
سؤال لبانيتا واللّي على شاكلته، لو فرضنا إِنَّك ضربت نووي، ما هو أول المتضررين منُّه كوريا الجنوبية اللّي حضرتك بِدَّكْ تحميها، وبعدين جمبها الصين و روسيا، اللّي رح يِحُطوا إيديهم و إجريهُمْ، محل ما قالك الرئيس الصيني ماو، قبل ستين سنة، تحط النووي تبعك!! ولك يا معتوه لو هرَّبَتْ الصين، أو روسيا، تقنية توصيل النووي لغرفة نوم، لكوريا الشمالية، و طَرْمَتَكْ كوريا صاروخين نووي هيك حلوين على زوقهُمْ، شو بصير بأمريكا من شرقها لغربها؟؟ ولك بُرجين وقَّعْهُمْلَكْ واحد من مغارة بأفغانستان وقامت قيامتكوا ولَحَدْ هسّا ما قعدتوا!! ما إحنا شُفنا أشكالك و هي بتعيط على التلفزيون الأمريكي، مشان الله إلحقونا!! فما بالك بإثنين نووي على قدَّك هيك؟؟!! بعدين مشكلتك بتكون مع كوريا الشمالية، مش مع الصين أو روسيا، يعني بعد ما تنضرب على قفاك ٢ نووي، الصين و روسيا بضحكوا عليك طول الطريق للبنك!! هذا لأنه أي إستثمارات و أي مشاريع بتطير طوّالي هنالك !! زي ما صار وقت وقعوا البرجين!! فبتكون شو إستفدت من ضرب كوريا الشمالية نووي ؟؟ آه نسيت، إنَّك بهيمة زي الريِّسْ تَبَعَك بوش و أوباما!!!
العالم تغيّر يا بانيتا، فوق وإصحا على حالك، اللي على راسه بطحة، يِعِسْ عليها!! فِكْرُه يقولنا إنُّه حَسَنِة و صَدَقَة من أمريكا إنها ما ضربَتْ نووي!! عمّي على إيران مش قادر، جاي تِستَعْبِطْ على كوريا الشمالية، ومن وراها الصين و روسيا؟؟!! عمّي إلعب غيرها!!
وبفولوا انه داعش ارهابية وقطاعة روس طيب هاي امريكيا اللي دمرت اليابان بالنووي قبل سبعين سنة بعدها جاهزة لتدمر وتبيد شعوب باكملها اذا مصالحها تهددت
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع كل الاردن بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع كل الاردن
علما ان التعليقات تعبر عن أصحابها فقط .