طيب بما انكم بتلاقوا الفلوس لميزانية الدفاع
لاقولنا ميزانيه لتزيدوا رواتبنا اللي صرلنا مش عارف من امتى بطلنا نتذكر تزيدوا فيها رواتبنا اللي فاتورة الكهربا لحالها اكلت الراتب التقاعدي
يعني مش معقول نبقى على راتب تقاعدي اسمه بده تسول وشحده لعقود
وانتوا بتلاقوا طرق لتزيدوا موازنة الدفاع والمواطن مات من الجوع
الانسان هو احسن سلاح بس لما بموت وهو عايش ما بنفع السلاح بدونه
يبدو انه في ناس بالبلد مش قادر تحس بمعاناة الاردني الشحاد والفقير المتقاعد اللي راتبه ملاليم
خافوا الله فينا

700 الف عامل وافد يعملون في كافة التخصصات واجرته 25 دينار يوميا . 70 تخصص في الاعمال يرفض الأردني العمل بها اذا اشرح لي اين البطالة وفسر لي ثقافة العيب والكسل ونوم الصبح ووووووو

يا زلمه احنا بنحكي عن الموظفين المتقاعدين والموظفات المتقاعدات اللي فاتحات بيوت بعد ما فنوا عمرهم بالخدمه وقعدوا على راتب ما بكفي لاول الشهر
شو دخل البطاله ولا بدك المتقاعد او المتقاعده من افراد القوات المسلحه او موظفي الدوله البسطاء انه يرجع يشتغل وهو انهكته الامراض والتعب
يعني يموت وهو بشتغل
عيب ما يزيدونا ويلاقوا زيادات لاشياء اخرى والانسان بهالبلد ارخص من الفجل ومش مهم يموت ولا يعيش المهم اصحاب الذوات يعيشوا وينبسطوا ويكيفوا

عاش بيان العسكر

الى 1و3 انا معك الانسان هو اساس كل شيء وبدون الانسان لاينفع السلاح ولا الطائرةولا الدبابة ولا الصاروخ لأنها تحتاج ليد الأنسان المنتمي والمكتفي الذي لايعاني من الجوع ؟؟؟

قال كادبي 10.8 مليون كيف ممكن تفهمونا وكادبي هي المسؤولة عن جميع عقود الدولة والحكومة والاجهزة الامنية والقوات المسلحة ومن مشتريات ومبيعات اسلحة وتزويد مافي قلم رصاص حتى الطائرة بتم شرائه الا عن طريق كادبي ..كادبي هي الدولة اصغر موظف سنفور في كادبي بوقع على مليون دينار وهو بشرب النسكافيه كانه وقع على خمس دنانير ..
على مين بتهلموا ..

ماذا تعني الاتصالات الخاصة وخصص لها 10 ملايين دينار ؟؟؟

الاتصالات الخاصة كانت زمان ايام مافي لا موبيلات ولا ثريا واقمار صناعية ونت وطويطر كان في ادارة اسمها الاتصالات الخاصه بالملك .. بس هالايام مع وجود التكنلوجيا العالية والنت والهواتف الذكيه والاجهزة الذكيه شو في حاجة الها والله العلم عند الله ..

الخلاصة الميزانية ما مافي واحد بعرف كيف قروشها بدخلوا وبطلعوا ولمين ووين وكيف بس هم ببصموا ..

مافي الا اربعة بعرفوا الميزانية ...ومحافظ البنك المركزي ووزير الماليه ورئيس الوزراء بس رئيس الوزراء مش كل شي بعرف او بالاحرى مسموحله يعرفه ..

2مليار موازنة المؤسسات المستقله

الاتصالات الخاصه الذي يعرف كل صغيرة وكبيرة فيها والذي اسسها وكل خبايها وتقنياتها واستخداماتها هو ....والجواب عند صديقنا الكبير المغترب ..