|
|
|
السبت , 11 أيار/مايو 2024
وطن ميت
بقلم : اكرم هلال 05-07-2015 11:05 AM شيء سخيف إنك تتولد فى وطن ميت إتولد من ضلع مكسور أعرج وانك تعيش مابين ناس مش حاسة بيك حكومة مش قادرة تغطيك وشعب نايم في العسل نوم شي سخيف انك تتولد كل يوم يقطعولك الحبل السرى كل يوم وكل يوم برضوا تموت ايه الفايده من التقليد الواد فهمى عاش في فرنسا وجه من غير شعر أصفر وعنين خضرا الواد ماكنش بيسكر حكومة هناك مكنتش لمقاديفة بتكسر شفت الفرق عرفت ليه محمد بيتمنى الموت عرفت ليه حادف نفسة على كل مصيبة فاكر نفسة هيبقى شهيد إيه الفايدة من التقليد ؟ غير انه شيئ سخيف . شيئ سخيف لما تكون عايز تتكلم وتلاقى الكل بيقولك هس حس ماتقاطعش الباشا وعلطول يروح قالب الوش انشكاح ياوطن كل اللى عايز يبيع يبيع بانت فيك ريحة العفن من غير ما حاجة تضيع شىء سخيف إنك تعيش بين أموات متحركين إنك تكون كومبارس صامت حزين أو انك تموت من غير موت ويلبسوك الكفن شيئ سخيف انك تخلينا عايزين نوصل لوطن مات ليه ماتساعدناش على الثبات ليه لما القطر يعدى تيجى تقول تحيا مصر ماهى تحيا مصر بس لوسبتوها هتحيا تحيا انتو بس سيبوها لولادها هيرجعوها لشبابها ويرجعوا اللى فات خلتونا ميت داعش وكل داعش بتخرب بطريقتها مصلحجية على الكرسى ميتين وقوميين متأخرين ويمينين مايعرفوش بياكلوا منين اى حاجة تأكل عيش حتى لو كان مخبوز على نار الوطن ويساريين لاهما عارفين إيه اليسار ولا هما مقتنعين بيجيفارا وماركس وكاستروا وماستروا وهباب كل اللى عارفينوا يحاربوا الدين وكل اللى يقول يارب يبقى ارهاب بيشتغلوا بطريقة عم عبدوا البواب وتقولى يا وطن متحررين أعدك ياوطن لن يغلق لمدينتنا باب سننهى معركتنا ضد الارهاب سنلقى بهمومنا داخل سرداب الى ان تستفيق ياوطن ماهو شي سخيف نمسك بجلابيتك زى العيال كل اللى رايح واللى جاى يحلب فيك انا مشعارف ليه مستقويين عليك تعبناك ياوطن تصبح على خير
التعليقات
لا يوجد تعليقات
تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع كل الاردن بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع كل الاردن
علما ان التعليقات تعبر عن أصحابها فقط .
|
|
جميع الحقوق محفوظة © كل الاردن, 2012
|
الرد على تعليق