المتقاعدين العسكريين هم افقر طبقة في الاردن ..هذول هم ربع الكفاف الحمر والعقل مياله يلي جار عليهم الزمن والدولة وقيادتهم .ز هذول يلي كانوا يحموا البلاد والعباد وبصحارى وما يشوفوا عيالهم بشهر مره هذول يلي حموا الاردن وحموا النظام والدولة .. هذول يلي الدولة كانت بتشدق وبتقول عنهم في خطاباتها النشامى واصحاب السةواعد السمر والوجوه التي لوحتها الشمس رفاق السلاح . وكله خرط بخرط كانوا بظحكوا عليهم بس انتهت صلاحيتهم رموهم ورفشوهم برجلهم .. هذول يلي كانوا يحموا في الوطن لحتى كل من كان يدخل الوطن ويقيم فيه وحتى عابرين السبيل يتنعموا بالامن والامان هم كانوا يحرسوا بالشمس الحارقة وبالبرد القارص وعابرين السبيل يلموا عمله ومصاري ويبنوا ويشتغلوا ويعملوا تجارة ويتعلموا ويصيروا ذوات ويعملوهم اسياد عليهم .. وهم الافقر في الاردن وهم الاوفى للاردن والاكثر اخلاصا ومحبتا وهم الاقل حظا وهم من يتم اذلالهم كل يوم لانهم ربع الكفاف الحمر والعقل مياله .

الله يكون بعونو
لكن هاظ اسمو غباء تحرق باصك مشان الشرطي بطبق قانون !
ببقية المحافظات عدا عن ثلاث محافظات يلي هي العاصمه والزرقاء والعقبه . الحكومه بتتغاضى عن تحويل مراكب عاديه الى تكاسي . يعني مافي عداله من قبل الحكومه بتطبيق القانون الا على الناس يلي ملهمش ظهر .
يعني لو انك شغلت باصك بسحاب . كل سحاب بتخالف القانون ومافي حدا سائلهم انتم وين رايحين . لكن عندنا بعمان القانون مطبق بحذافيره وحوافره
عنا ياحج ثمن التكسي وصل الى 52 الف دينار يلي كان حقو 28 الف دينار قبل 5 سنوات والمشكله نفس الدخل بطل . واذا حسبنا قيمة التضخم خلال هالخمس سنوات يعني تكسي ابو 52 الف يادوب يجيب ثلثين دخل التكسي لما كان حقو 28 الف دينار .
وانا مع تطبيق القانون من هالناحيه . واحد جايب باص بالفين ليره وجاي اضارب على شغل التكاسي والسرافيس يلي الناس يلي بتملكها اكثرها بتسدد بديون وخوازيق التكاسي الغاليه ومش ملحقه
ونفس الشي انا مع ملاحقة البسطات في الحسين وغيرها لأنه مابدفعوا اجرة محل ولا ضرايب ولا مسقفات ولا كهرباء ومياه ولا اي شي . وبضاربو على المحلات .

هذا هو احد مظاهر العنف المجتمعي , الذي يتخذ اشكال متعددة, احدها العنف الموجه للذات , كحرق النفس او الممتلكات العائدة للشخص , كتعبير عن الاحتجاج على الظلم
والقهر الحاصل والذي لايمكن رده , نتجة الاحباط واليأس وعدم الثقة في العدالةعموما

هذا العنف يزداد طرديا مع زيادة مسبباته وينقلب من عنف فردي الى عنف جماعي , يخلق بيئة خطيرة غير مستقرة تفتقر للامن والامان , اذا سيست حولت الى ثورة وان لم تسيس تصبح ىفة اجتماعية تؤدي الى التهلكة.

يجب على رجال الشرطة ان يتحلوا بالرحمة وان يقدروا مدى صعوبة الحياة للمواطنين وان لا يعاملوا المواطن كعدو لهم .
اذا دعتك قدرتك ان تؤذي الناس فتذكر قدرة الله عليك .
فالرتب زائلة مهما علت والانسان مصيره الى القبر فاتقوا دعوة المظلوم فانه ليس بينها وبين الله حجاب .

طيب وبالنسبه لاصحاب السيارات العمومي والباصات يشحدوا همه يعني مشان توكل انته بطريقه غير قانونيه.كل الاحترام لشرطي السير

هيك مضبطه بدها هيك ختم بستاهلوا كويس اللي عرفوا الحقيقه بس للاسف في الوقت الضايع

المواطن حرق باصه امام منزلي في الجندويل قرب مركز امن البيادر و ليس عند دوار الشعب . و قمت بتصوير الواقعه فيديو استطيع تزويدكم به اذا احببتم . السؤال ما الذي يدفع المواطن الى حرق الباص الذي يعمل عليه ؟ الله يعوض عليه ويفرج كربه

نامت عيونك والمظلوم منتبه يدعو عليك وعين الله لم تنم.

اقسم بالله انها قصة عشرات بل مئات من يحاولون السترة وعدم الشحده لانهم لغاية الآن لديهم كرامه والذي تربوا عليها بالعسكريه هذا اولا

ثانيا الشرطي يوميته مئة دينار اقل شيء من اصحاب الباصات الخصوصي مثل الاخ التي حرق باصه ومن اصحاب السيارات الخصوصي

ورقباء السير متجبرين على الكروكه بده مكالمه خلوي حزام وقوف مزدوج منشار بيوكل بكل الاتجاهات واذا بدكم تعرفوا ارسلو اي واحد متخفي للمدينه الطبيه وشوفوا الحقيقه

الشرطة ليش ما تاتي الى دوار صويلح وشوف اهل الشمال عسكريين ومدنيين يعملوا على سيارات خصوصي 00000000يا ادارة السير000000

الى صاحب التعليق رقم٥ انت بتحكي صحيح مئه بالمئه يسلم ثمك .لانه العمل بهذه ألطريقه بلطجه وسرقة رزقه الغير وبعدين ما حد قلك تخلف عشيره

يا ناس ياعالم واللــــه الناس جاعت افهموا
يا حكومه يا ملك البلاد الناس جاعت

والله ليأتي يوم تمنون الله لم يخلقكم الناس جاعت

الناس جاعت وباعت آخر مدخراتها

لم يبقى ما يباع سوى الروح الناس جاعت

يا اهل عبدون لا يجوز ان تنامو وجيرانكم جوعى

يا اهل دابوق ردوا شي مما سرقتم الناس جاعت

لاهل الروتاري والليونز نقول الناس جاعت

ولاصحاب القرار ان تبقى منهم بقيه نقول

الناس جاعت واتقوا ثورة الجيـــــاع

الله ستر ما وصلته الزياده ولا كان حرق نفسه مع الباص... الطريق الى الهاويه وسلامتك يا وطني

تصرف أحمق و غبي... هو اللي قطع رزقه... يعني رأس مالها غرامه بيدفعها و تحرر الباص... الآن بيدفع الأقساط اذا ما أخذوه على السجن...
شغلوا عقولكم لما بتزعلوا

كل عمرنا متفاهمين مع افراد الشرطه يبدون بعض التسامح مع الحالات الانسانيه هم ابناءنا فلا يحملونا ما لا نطيق ولا يستقوون علينا ولكن بعد ان اصبح نصف مرتب ضباط الامن من جماعة المحاصصه وهم ليسو اردنيين لا يتكلمون لغتنا ولا يعيشون بيننا اصبحنا نرى ترفيعات ضباط امن بدون اسم عائله واصبحنا ايضا نرى متقاعد اردني يضرب من قبل الدرك والامن بالبسطار ....
هل تذكرون احداث العقبه عندما اعتصم عمال المياومه
الم يتدخل الجيش لابعاد اسود ونشامى الدرك عن ابناء الاردن بعد ان حاصروهم بالمستشفى العسكري
الم تصبح كل ترفيعات وتنقلات ضباط الامن العام بدون ذكر اسم العائله لان الحابل قد اختلط بالنابل
وكل ما نعلق عالموضوع ونقول انه اللي بيصير خطا كارثي تشطب تعليقاتنا
ارجو النشر يا ادارة كل الاردن فقد بلغ السيل الزبى

بصراحة تفشت ظاهرة الرشوة في السنتين الاخيرتين بشكل كبير واصبحت سمة تقريبا لدى شرطة السير والدوريات ..؟؟؟ ارجو من مدير الامن العام ؟؟؟ الانتباه الماء سايل من تحتك وانت مش عارف وارجو ماتكون عارف ؟؟؟ ارجو من السحيجة الامتناع عن التعقيب .. والذي اقوله هو حقيقة لو بدي اضرحد من هؤلاء المرتشين افشي اسمائهم ... لكن الدافع لهذه الظاهرة هو الفقر والحرمان ..؟؟؟

والله انك اهبل ومجنون وك كيف تحرق باصك والله لو كنت محلك ...بس بلاش على كل حال راح اتبرع الك ب10 ليرات من الزياده الهامله اللي اجتني سلامات كنت خايف عليك تنجلط من الغلط اللي ماشي ببلدنا .

** لقد آن الأوان التفكير بعمل مؤسسي لرعاية المتقاعدين (عسكريين ومدنيين) من امثال هذا الأنسان الذي لو لم يتعرض لقهر لما اقدم على حرق باصه.
** المتقاعدين العسكريين لديهم حساسيه مفرطه لطريقة تعامل رجال الأمن معهم وهذا مرده انهم يعتبرون رجال الامن العام زملائهم ولكن هناك البعض من رجال الامن العام يتعمدون اهانة المتقاعد وبطريقه تشعرك بانها مقصوده.
** العسكري بكافة صنوفه يبقى لديه شعور بالأنفه وعزة النفس،،وما يجب ان يعلمه الاخوان في الامن العام انه مهما طال الزمن فمصيرهم للتقاعد فلو دامت لغيرك لما آلت اليك،، فضع نفسك اخي الكريم مكان هذا الشخص الذي يسعى لسد حاجة اولاده وابى على نفسه التسول او النصب على الغير... مع تحياتنا لكل رجال الامن العام ونتمنى للأخ حارق باصه ان يخفف الله عليه المصيبه.

لا يردك ويرد باصك ...جاي من ذيبات تشتغل بعمان ؟...ومش مكفيك راتبك بدك تلحق على عيشة غيرك ...آه من الطمع

الله يعين الناس علا حالها