على فكرة يا أستاذ فايز يعني بصدق مش عارفة من وين وللا من وين أبلش وكيف بدي أوصف هامقال الكارثي...بس لازم أعلق وللا بنجلط...
يعني ما بعرف أنت بتحكي جد ؟ وللا هاد مقال الكاميرا الخفية واحنا مش عارفين ؟ وللا قاعد تسرح فينا ؟
هسة معقول زيادة 3 ليرات على جرة الغاز و ليرتين يمكن على تنكة البنزين رح تعمل كل هالكوارث اللي كاتبها فوق؟؟؟ عنجد صدمتني ..
سوء تغذية وأمراض وانخفاض في التحصيل الدراسي والبطاله والظلم وانتهاك العادات والاعراف الاجتماعية والدينية والعدوانية وتعاطي الخمر والحشيش والاتجار فيها والانحراف الجنسي والتسول والسرقة والنصب والاحتيال والرشوة والاختلاس والتوتر والاضطراب النفسي وجرائم العنف في الاسره والمجتمع؟؟؟
ليش ياخوي مخليني أحس إنو يعني كنا عايشين فوق السحاب وساكنين قصور والثراء كان فاحش والمصاري زي الرز وبنصيف كل سنه بأوروبا وراكبين شبحات وجيبات 4 * 4 وكل ليلة قاعدين نحتار وين نسهر والاولاد الله يحفظهم بالمدارس الخاصة وكل واحد عنده مدرسين خصوصيين وكل واحد قاعد بفيلا أبوه بغرفة قد الحارة والأيبود على أدانه واللابتوب ما بفارق إيده ولابسين من ايف سان لوران وبتسوقوا في فيا كونديتي والشوفير حاملهم بسيارات خاصة عالنادي والحفلات الليلية شغاله وبابي ومامي بيدفعوا و...
و 3 ليرات جرة غاز و 2 تنكة بنزين رح تجرهم للهاوية؟؟؟؟؟؟؟؟؟؟
إصحى ياخوي وركز معي يعني هو الوضع كان فوق الريح وهسه صار تحت خط الفقر؟؟؟
إيش في؟ شو مالك؟
أي لحظة أمن وأمان بكل اللي قلته لأنو لو صار في بهالبلد خراب يمكن حتى اولادك تنحرم منهم الله لا يقدر !!!
لا حول ولا قوة الا بالله العلي العظيم
الاخ فايز كل الاردنيون عارفين كل اللي قلته ولكن لااعلم لماذا معظمهم يدفن راسه في الرمال ولايريد ان يصدق هل سرقوا عقولنا قبل ان يسرقوا بلدنا وهل نحن بهذه السذاجه نصفق لمن دمر بلدنا وافقر ابنائنا والادهى من ذلك تحاول الحكومه بالطعن في وطنيه من يخرج ويقول لا للفاسدين هل الفاسدين من مقامات عليا تخاف ان تخدش كرامتهم ولماذا يقابل مسيرات الاصلاح بمسيرات ولاء مادخل الولاء بالفساد ولماذا المسيرات المضاده برعايه حكوميه وامنيه ولماذا يحشر ولائنا بين خيارين اذا حاربت الفساد فانت خائن ومندس واذا سكت فانت موالي فماذا تقصد هذه الحكومه بهذا العمل هل سكوتنا عن الذين سرقوا البلد موالاه وكلامنا عنهم خيانه وهل الفاسدين من طبقه لايجوز انتقادهم ...فهموني مشان الله ؟؟؟؟؟؟
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع كل الاردن بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع كل الاردن
علما ان التعليقات تعبر عن أصحابها فقط .